လိုတိုရှင်း ပြောရင် ပြည်တွင်းက Remote လုပ်နေတဲ့ လူငယ်တွေ ဒီ n8n ကို Service ပေးရင် ရလောက်တယ်။ ဥပမာ ဟိုတယ်လုပ်ငန်းတွေ၊ Online ရောင်းဝယ်မှုတွေ၊ Social Media Content Generation ကိစ္စတွေ စသဖြင့် လုပ်လို့ ရတယ်။ Service တစ်ခု အဖြစ် လုပ်ရင် လုပ်လို့ ရလောက်မယ် ထင်ပါတယ်။
ကိုယ် နားလည်သလို ပြောရရင် စစ်တိုက်ဖို့ စွမ်းအင် (လျှပ်စစ်) လိုတယ်။ တစ်ချို့ စစ်မြေပြင်တွေမှာ လျှပ်စစ်ဓာတ်အား ပို့ဆောင်ဖို့ ဓာတ်တိုင်ထောင် ဓာတ်ကြိုးသွယ်လို့ မရ၊ လောင်စာဆီ ပို့ဆောင်ဖို့လည်း ခက်။ ဒီလို အခြေအနေမှာ ဒီနည်းစနစ်ကို သုံးလို့ ရမယ်။ နောက်ပိုင်းတော့ အရပ်သားသုံး နည်းပညာ ဖြစ်လာမှာပေါ့။
Design ကိစ္စ လုပ်နေသူတွေ ဆိုရင် ဒီ Refactoring UI စာအုပ် အပြင် White Space is Not Your Enemy: A Beginner’s Guide to Communicating Visually through Graphic, Web and Multimedia Design ကိုပါ တွဲဖတ်ရင် ပို ကောင်းမယ်၊ ပို ပြည့်စုံမယ်လို့ ထင်ပါတယ်။
Palmer Luckey က အသက် ၃၂ နှစ်ပဲ ရှိသေးတဲ့ အမေရိကန် စွန့်ဦးတီထွင် လုပ်ငန်းရှင်။ လူ သိနည်းတယ်။ ဒါပေမယ့် ခေတ်ပြိုင်စစ်မက် လက်နက်ကိရိယာ ထုတ်လုပ်ရေးမှာ အခုကတည်းက စနေပြီ ဆိုတော့ကာ သူ အသက် ၄၀ လောက် ဆိုရင် အတော့်ကို အရေးပါတဲ့သူ ဖြစ်သွားမှာပဲ။ အခုလည်း အတော့်ကို အရေးပါနေပါပြီ။ သူ့ လုပ်ငန်း Anduril ရဲ့ ဝက်ဘ်ဆိုက်က https://www.anduril.com/leadership/ ။
တစ်လောက ခဲတံ လုပ်တဲ့ အကြောင်း လိုက်ရှာ ဖတ်ရင်း၊ ကြည့်ရင်းနဲ့ 6B အတိုတွေကို ဆက်သုံးလို့ရတဲ့ ကိရိယာ တွေ့တယ်။ အဲဒီတုန်းက ဒီ ကိရိယာကို အင်္ဂလိပ်လို Pencil Extender လို့ ခေါ်မှန်း မသိဘူး။ နီးစပ်ရာ ဆိုင်တွေမှာ လိုက်ရှာတာ မတွေ့ဘူး။
